ZAMBIA - LIUWA PLAINS

25 October to 8 November 2008

ZAMBIË - LIUWA VLAKTES

25 Oktober tot 8 November 2008

Adventure,  breathtaking views and great company. You cannot ask for more.

Dag 1

Die toergroep gaan die grenspos te Martins drift deur en slaap by ‘n kamp net binne Botswana op die walle van die Limpoporivier.

Dag 2

Ons volgende kamp is by Nata. ‘n Pragtige kamp wat al ‘n voorsmakie van die bosgevoel gee. Diegene wat vroeg genoeg wegspring, kan na die Nata panne gaan om veral die watervoëls te beleef.

Dag 3

Die magtige Zambezi-rivier gaan vir die volgende paar dae saam met ons kronkel totdat ons sy vloedvlaktes oftewel, Barotseland bereik. Ons eerste kennismaking met die rivier is naby Katima Mulilo waar ons kamp opslaan.

Dag 4

Skielik moet die voertuie begin om sand te proe en die bestuurders skakel oor na 4x4 en beur langs die Zambesi rivier af tot net duskant die Sioma valle. Ons oornag weer langs Zambesi.

Dag 5

Op dag 5 en 6 ry ons deur die wildernis met ‘n moeilike sandroete tot ons weer oornag iewers langs die pad.

Dag 6

Ons ry deur die laaste deel van die Barotse vloedvlaktes tot by Kalabo. Hier is daar ‘n basiskamp waar ons die nag kan oorslaap en warm storte geniet.

Dag 7 tot 9

Ons vertek vanaf Kalabo met `n lokale gids en neem die voertuie oor die rivier met `n enkelpont op pad na Liuwa. Hiervandaan is die natuur oop met grasvlaktes so ver as die oog kan sien. By die menige waterpanne is daar voëls wat die kiekeurige voëlkenners lank sal besig hou.

En dan, die troppe en troppe wildebeeste. Sover die oog kan sien staan hulle in hul derduisende.

Ons kamp word opgeslaan by een van die “boseilande” midde-in die vlaktes of by een van die plaaslik bestuurde kampe wat deur die “villages” bestuur word. Van hierdie basiskamp verken ons die ongerepte natuur met ons voertuie vir die volgende 2 dae.

Sonsondergange met rooi stof en duisende skowwe van die bewegende wildebeeste. Op hierdie stadium is die enigste stress jou honger wat jou kamp toe laat verlang!

Dag 10

Terug na ons basiskamp waar (diegene wat nie “luukse veldstorte” na die vlaktes saamgeneem het nie), weer `n warm stort en koue bier kan geniet.

Dag 11 en 12

Die pad terug na ons kamp langs die Zambesi. Op die terugtog ry ons via Mongu na Sernanga waar ons ‘n pont oor die rivier moet neem. Ons kuier nog ‘n dag langs die pragtige rivier en die manne en avontuurlustige dames spook met ‘n tiervis aan die lyn!

Dag 13

Na ontbyt vertrek ons na Kasane en slaap by ‘n kamp by Chobe Lodge. (Net buite die Chobe Reservaat). Diegene wat moeg is vir kamp, kan ‘n bed in a chalet bespreek –eie koste) Terwyl jy by die Chobe-rivier is, is daar so baie om te doen. Diegene wat hul toer wil verleng, kan dit gerus doen. Ons kostes sluit ‘n bootvaart op die Chobe in en jy sal waarskynlik kan sien hoe die olifante die rivier kruis met hul slurpe in die lug.

Dag 14

Die ekspedisie word hier amptelik afgesluit. Indien jy nog lus het om ‘n paar dae in hierdie omgewing te spandeer, kan jy die vlg oorweeg:

• Diegene wat langs die Zambezi wil kuier en visvang kan dit doen. (Chobe Lodge)
• Diegene wat die Victoria-valle wil gaan verken, kan dit doen (Onthou net dat jy weer 3e Party Versekering en ander fooie sal moet betaal- Maak ook seker dat jou versekering dan Zimbabwe insluit. Dit is regtig veilig, maklik en naby om soontoe te ry)
• Diegene wat in die Chobe reservaat wil gaan, kan dit doen. (Sien toegangsfooie)

Indien u saam met die toer terugkeer, kamp ons net noord van Francistown waar ons die laaste aand afsluit met ‘n lekker ete in ‘n wonderlike hotel.

Dag 16

Terug na “Ons Afrika”, arriveer ongeveer 16h00 te Pretoria.

Costs

Please enquire about our tariffs for this expedition.

Included:

• All park entry fees

• All camping fees

• All vehicle entries

• Fully equipped recovery vehicle

• FGASA & DEAT registered guide

• Level 2 First aid personnel

• Sunset boat cruises on the Chobe

Excluded:

• 3rd party insurance
• Vehicle 3rd parties
• Ferry fees
• Road tax
• Activities a Victoria Falls
• Personal purchases
• Camping equipment
• Fuel, Food and Beverages

Bookings & Enquiries

• Fanie van Wyk +27- 83- 442- 1502

• Facsimile + 27-12-361-3782

• E-mail  info@africaunexplored.co.za